LRT jumysshylary boıaý shashyratqan avtokólik ıeleriniń shyǵynyn kim óteıdi

ASTANA. KAZINFORM — Osy kóktemde elordadaǵy LRT jelisi qurylysyn syrlaý kezinde sol mańda qoıylǵan avtokólikterge boıaý shashyraǵan. Búgin osy másele qala ákimi Jeńis Qasymbektiń aldynda qozǵaldy. 

— Azamattyq-quqyqtyq jaýapkershilik jaǵdaıynda, merdiger uıym men avtokólik ıeleri arasyndaǵy qatynas. Keı kólikter ruqsat etilgen jerde turǵan, keıbir kólikti ruqsat etilmegen jerge qoıyp ketken. Osyǵan baılanysty ár jaǵdaı boıynsha jeke sheshim qabyldanady. Meniń bilýimshe, qurylys kompanııasy zalal rastalǵan jaǵdaıda ótemaqy tóleýden bas tartpaıdy. Ótemaqy mólsherin ózderi anyqtaıdy, máselege ákimdik aralaspaıdy, — dep qysqa qaıyrdy Jeńis Qasymbek avtokólikterge kelgen shyǵyndy óteý týraly suraǵan turǵynnyń saýalyna.

Eske salsaq, bıyl mamyrda elordada avtokólik ıeleri LRT qurylysshylaryna shaǵymdanǵany týraly jazǵan edik. LRT nysandaryn syrlaý kezinde, sol mańdaǵy avtoturaqqa qoıylǵan kólikterge boıaý shashyraǵan.

Aıta keteıik, Astanada LRT jelisiniń jartysyna jýyǵy daıyn boldy. 

Búgin elorda ákimi Jeńis Qasymbek «Almaty» aýdany turǵyndarymen kezdesip, halyqty tolǵandyrǵan saýaldarǵa jaýap berdi.