LRT jolaqysyn Face ID, aqyldy saǵat jáne smartfon arqyly tóleýge bolady
ASTANA. KAZINFORM – Elordadaǵy LRT jolaqysyn arnaıy LRT kólik kartasy, bir rettik bılet, bank kartalary jáne mobıldi qosymshalar arqyly tóleýge bolady. Bul týraly «City Transportation Systems» JShS basqarma tóraǵasy Asylbek Dúısebaev aıtty.
LRT kólik kartasynyń quny 1000 teńgeni quraıdy.
Jolaýshylar jolaqysyn Apple Pay jáne Samsung Pay servısteri arqyly smartfon nemese aqyldy saǵatpen tóleı alady. Sonymen qatar, Halyk Bank pen Kaspi Bank mobıldi qosymshalaryndaǵy QR-kod arqyly tóleýge bolady.
Budan bólek, jolaýshylar bir rettik bıletterdi LRT kassalarynan nemese arnaıy TVM avtomattary arqyly satyp ala alady.
Jeńildik jáne mektep kartalaryn paıdalanatyn jolaýshylar úshin jol júrý tegin bolady. Atap aıtqanda, Astanada turaqty tirkeýi bar 7-18 jas aralyǵyndaǵy oqýshylar, sondaı-aq qoldanystaǵy zańnamaǵa sáıkes jeńildik sanatyna kiretin azamattar LRT qyzmetin tegin paıdalana alady.
Al ataýly LRT kólik kartasyn rásimdeý quny 1200 teńgeni quraıdy.
Buǵan deıin Astanada jýrnalısterge LRT vagondary tanystyrylyp, olardyń qysta -30 gradýsqa deıingi aıazda synaqtan ótkeni habarlanǵan edi.
