«LRT» jobasyn paıdalaný tásilderin elorda ákimdigi ázirleıtin boldy
«Besinshi. Memleket basshysy atap ótkendeı, básekeles ortaǵa beriletin aktıvterdi irikteý tásilderi anyqtalmaǵan. Ulttyq ekonomıka mınıstrligi Básekelestikti qorǵaý agenttigimen, Qarjy, Ádilet mınıstrlikterimen jáne «Atameken» kásipkerler palatasymen birlesip, bıylǵy 1 aqpanǵa deıin básekeles ortaǵa berilýge tıis aktıvterdi irikteý tásilderin ázirlep, tıisti qaýly jobasyn Úkimetke engizýdi tapsyramyn», - degen Premer-Mınıstr bıýdjetaralyq qatynastardyń qoldanystaǵy júıesin qaıta qaraý boıynsha birqatar tapsyrma berdi.
«Ortalyq pen óńirler arasyndaǵy bıýdjetaralyq qatynastar qaǵıdalaryn bárine túsinikti bolatyndaı etip jasaý qajet. Osyǵan baılanysty, Ulttyq ekonomıka mınıstrligi bıýdjet zańnamasyna engiziletin túzetýlerdi daıyndap jalpy sıpattaǵy transfertterdi esepteý ádistemesin jetildirýi qajet», - dedi ol Úkimet otyrysynda.
Úkimet basshysynyń aıtýynsha, budan bylaı «Aýyl – el besigi», «Bıznestiń jol kartasy» sııaqty salalyq baǵdarlamalar Batys jáne Ońtústik óńirlerde belsendi iske asyrylmaq.
«Jetinshi, Ulttyq ekonomıka mınıstrligi múddeli memlekettik organdarmen Batys jáne Ońtústik óńirlerdiń ákimdikterimen birlesip, «Aýyl – el besigi», «Bıznestiń jol kartasy» jáne basqa da salalyq baǵdarlamalar aıasynda jekelegen baǵyttardy ázirleýi qajet.
Segizinshi. Elorda ákimdigi Indýstrııa mınıstrligimen birlesip, «LRT» jobasyn paıdalaný tásilderi boıynsha naqty usynystar engizsin», - dedi Álıhan Smaıylov.
