LRT qurylysy aıaqtalýǵa jaqyn – Astana ákimi

ASTANA. KAZINFORM – Astana ákimi Jeńis Qasymbek Úkimettiń keńeıtilgen otyrysynda jeńil relsti tramvaı jobasynyń qazirgi jaı-kúıinen aqpar berdi.

 - Kún saıyn qala ishindegi marshrýttarǵa 1600-den astam avtobýs shyǵady. Eki jyl ishinde astananyń qoǵamdyq kólik parki 45 paıyz jańardy. Bul baǵyttaǵy jumys jalǵasyp jatyr, - dedi Jeńis Qasymbek.

Sondaı-aq, qyrkúıek aıynda alǵashqy synaqtar bastalatynyn eske saldy.

- Sizdiń qoldaýyńyzdyń arqasynda LRT jobasy márege jetýge jaqyn. Qurylys jumystary aıaqtalyp jatyr. 
Bıylǵy qyrkúıekte alǵashqy poıyzdar kelip, testik synaqtar bastalady, - dedi ákim.

Eske salsaq, Úkimettiń keńeıtilgen otyrysynda Memleket basshysy Astanadaǵy kólik keptelisi máselesi ózekti bolyp turǵany týraly aıtqan bolatyn. 

Aıta keteıik elordada Prezıdent Qasym-Jomart Toqaevtyń tóraǵalyǵymen Úkimettiń keńeıtilgen otyrysy ótip jatyr.