LRT konstrýktsııasy alynyp jatyr: Taǵy 4 avtobýstyń marshrýty ózgerdi

ASTANA. KAZINFORM — City Transportation Systems kompanııasy jóndeý jumysyna baılanysty birneshe avtobýstyń baǵdaryna ózgeris engenin habarlady.

Vedomstvo málimetinshe, qalada LRT jol ótkelderindegi ýaqytsha metall konstrýktsııalar alynyp, demontaj jasalyp jatyr.

Osyǵan baılanysty № 43, 10, 12, 51 baǵdarlardyń qozǵalys syzbasy ýaqytsha ózgeredi. 

Aýysqan qozǵalys shemasymen myna siltemeden qarap tanys bola alasyzdar.

«Saparlaryńyzdy aldyn ala josparlaýdy suraımyz» dep eskertedi City Transportation Systems baspasóz qyzmetinen.

Munyń aldynda № 25, 61 avtobýstardyń da baǵyty ózgergen bolatyn.  

Sondaı-aq osy LRT metall konstrýktsııalarynyń demontaj jumysyna baılanysty Hýseın ben Talal jáne Jańadarııa kósheleri jabyldy.