LRT stantsııalaryndaǵy negizgi qurylys jumystary aıaqtaldy

ASTANA. KAZINFORM — LRT jelisi stantsııalarynyń temirbetondy negizgi qurylystary 100% aıaqtaldy, dep habarlaıdy Astana qalasy ákimdiginiń baspasóz qyzmeti.

Jumystar aıasynda monolıtti qańqalar, kótergish arqalyqtar, platformalardyń temirbetondy konstrýktsııalary, rıgelder jáne basqa da elementter salyndy. Bul úshin V45 markaly 79 971 tekshe metr beton men 9,59 myń tonna armatýra qoldanyldy.

LRT jelisi kóp deńgeıli zaldary men platformalary bar 18 stantsııadan turady, olar eki túrge bólinedi: jerdegi (11 stantsııa) jáne jer ústi (7 stantsııa). Jer ústi stantsııalarynyń erekshelikteri: Syǵanaq kóshesinde (2 stantsııa), Sh. Qaldaıaqov kóshesinde (4 stantsııa) jáne «Nurly jol» temirjol vokzaly aýdanynda (1 stantsııa) ornalasqan stantsııalar jolǵa ortalyqtandyrylǵan ornalasýymen erekshelenedi. Stantsııalarǵa qaýipsiz kirý úshin jerústinen ótetin eki ótkel qarastyrylǵan. Barlyǵy — 14 ótkel.

— Bıylǵy jyly № 101 stantsııasynyń (100% daıyn) qasbet jumystary aıaqtaldy, oǵan 497,51 tonna metall konstrýktsııalaryn ornatý jáne syrtqy panelder men vıtrajdardy qaptaý (4 765 m²) kiredi. № 109 jáne № 112 stantsııalarynda 1 210,22 tonna metall konstrýktsııalary ornatyldy, — delingen ákimdik habarlamasynda.

2025 jyly barlyq stantsııalardyń qurylysy tolyǵymen aıaqtalady dep josparlandy. Onyń ishinde: — qasbetterdiń montajy, — jerústinen ótetin ótkelderdiń qurylysy, — ishki árleý jumystary, — jaqyn aýmaqtardy abattandyrý.

Eske salsaq, buǵan deıin Qytaıdyń jeńil relsti poıyzdaryna tapsyrys berilip jatqany habarlanǵan edi.