LRT stansalarynda dúken men dámhana bolmaıdy
ASTANA. KAZINFORM — Astanadaǵy LRT stansalarynda dúkender men dámhanalar ashylmaıdy. Bul týraly «City Transportation Systems» JShS basqarma tóraǵasy Asylbek Dúısebaev Biryńǵaı dıspetcherlik ortalyqty tanystyrý kezinde aıtty.
Onyń sózinshe, órt qaýipsizdigi talaptaryna baılanysty LRT aýmaǵynda saýda jáne qoǵamdyq tamaqtaný oryndary bolmaıdy.
Degenmen stansalarda jolaýshylarǵa arnalǵan arnaıy saýda avtomattary ornatylady. Olar arqyly kofe, sý men tiskebasar satyp alýǵa bolady.
CTS málimetinshe, LRT iske qosylǵan alǵashqy kezeńde táýligine 25 myńnan 45 myńǵa deıin jolaýshy tasymaldanady dep josparlanyp otyr.
Sonymen qatar jolaqysyn Face ID júıesi, smartfon, smart saǵat jáne bank qosymshalary arqyly tóleýge bolady.
Aıta keteıik, 12 mamyr kúni LRT vagondary jýrnalısterge tanystyryldy. Al jolaýshylar úshin jelini 16–17 mamyrda ashý josparlanyp otyr.
