LRT iske qosylǵannan beri jolaýshylar sany 180 myńǵa jetti
ASTANA. KAZINFORM — Keshe 100 myń jolaýshy LRT-men júrip ótken. Bul jobalyq ótkizý múmkindiginen joǵary. Bul týraly CTS Basqarma tóraǵasy Asylbek Dúısebaev aıtty.
Onyń sózinshe, qazir jolaýshylar aǵyny eki ese azaıdy.
— Ózderińiz biletindeı, LRT júıesi tolyq avtomattandyrylǵan jáne júrgizýshisiz júredi. Sol sebepti qaýipsizdik erejelerin saqtaýdy suraımyz. Óıtkeni keıbir áreketter poıyzdardyń toqtaýyna ákelýi múmkin. Búgin eshqandaı ereje buzýshylyq baıqalǵan joq, qozǵalys qalypty, — dedi Asylbek Dúısebaev.
Eske salsaq, 16 mamyrda Prezıdent Astana LRT jumysyn iske qosty.
LRT júıesiniń alǵashqy jolaýshysy retinde Prezıdentke 001 serııaly karta berildi.
Qasym-Jomart Toqaev LRT qurylysyn odan ary jalǵastyrýdy tapsyrdy.
LRT júıesinde jolaýshylar tarapynan qaýipsizdik erejelerin buzý jaǵdaılary tirkelgeni belgili boldy.
