LRT isi: Talǵat Ardan Túrkııada ustalyp, Qazaqstanǵa ekstradıtsııalanbaq

ASTANA. KAZINFORM - 2019 jylǵy qyrkúıekte Qazaqstan Respýblıkasynyń Bas prokýratýrasy Túrkııanyń Ádilet mınıstrligine halyqaralyq izdeýde júrgen «Astana LRT» JShS-niń burynǵy basshysy, Qazaqstan azamaty Talǵat Ardandy ustap berý týraly suraý jibergen bolatyn.

Osyǵan baılanysty Túrkııa Respýblıkasynyń quzyrly organdary tıisti izdestirý sharalaryn júrgizgen, dep habarlaıdy Ulttyq qaýipsizdik komıtetiniń baspasóz qyzmeti.

Bıylǵy jyly UQK onyń naqty bolǵan jerin anyqtady, sodan keıin Túrkııanyń quqyq qorǵaý organdary Antalıa qalasynda ustady.

A.j. 9 mamyrynda Antalıa qalasynyń soty T.Ardandy Qazaqstanǵa deportatsııalaý týraly sheshim qabyldady jáne ol qazirgi ýaqytta qamaýda.

Qazaqstannyń quzyretti organdary atalǵan adamdy Qazaqstanǵa qaıtarý boıynsha quqyqtyq rásimderdi bastady.

Esterińizge sala keteıik, buǵan deıin Astana qalasynyń soty T.Ardandy Qylmystyq kodekstiń 189-baby 4-bóligi jáne 361-baby 4-bóligi boıynsha kináli dep tanyp, syrttaı 9 jylǵa bas bostandyǵynan aıyrýǵa sottalǵan.

Osyǵan deıin Memleket basshysy LRT-ny sybaılas jemqorlyqtyń ıisi múńkip turǵan joba ekenin aıtqan bolatyn.