LRT poıyzdaryn qandaı zaýyt qurastyrady

ASTANA. QazAqparat – «Astana LRT» jobasyna arnalǵan poıyzdardy vagon qurastyratyn qytaılyq «CRRC Tangshan Co.Ltd» kompanııasy jasaıdy, dep habarlaıdy QazAqparat tilshisi.

Elordalyq Kólik jáne jol-kólik ınfraqurylymyn damytý basqarmasynan málimdegendeı, LRT poıyzdaryn jasaıtyn atalǵan kompanııa Qytaıda jetekshi kásiporyndardyń biri sanalady.

«Jyljymaly quramnyń qýaty - saǵatyna 115 kılovatt, eń joǵary syıymdylyǵy - 600 adam. Ony avtomatty basqarý úshin «GoA 4» tehnologııasy qoldanylady. Bul basqarý júıesi elektr qýatymen jumys isteıdi», - delingen QazAqparat tilshiniń saýalyna berilgen elorda ákimdiginiń jaýabynda.

Tehnıkalyq qujattamaǵa sáıkes, jobada E-60 relsteri paıdalanylady. Ákimdik málimetinshe, bul eýropalyq standarttarǵa saı keledi.

Buǵan deıin LRT poıyzdarynyń aıaldamasy qaı jerlerde ornalasatynyn jazyp edik.