LRT poıyzdarynyń mashınısterine qosymsha irikteý jarııalandy
ASTANA. KAZINFORM — «City Transportation Systems» JShS Astana qalasyndaǵy jeńil relsti kólik jelisinde jumys isteıtin poıyz operatorlaryna (mashınıst) qosymsha qabyldaý bastalǵanyn habarlaıdy.
LRT poıyz operatorlarynyń negizgi mindetteri:
— jolaýshylardyń qaýipsizdigin jáne poıyzdyń tehnıkalyq jaǵdaıyn, barlyq qaýipsizdik normalarynyń saqtalýyn qadaǵalaý;
— avtomattandyrylǵan basqarý júıesiniń jumysyn úzdiksiz baqylaý, aqaýlardy anyqtaý jáne joıý;
— vagondardyń elektrli jylytýdy/jeldetýdi saqtaý, jolaýshylardy otyrǵyzyp/túsirý tártibin retteý, jyljymaly quramnyń úzdiksiz jumysyn qamtamasyz etý boıynsha basqa da jumystardy atqarý.
— Operatorlar QR Eńbek kodeksine sáıkes resmı jumysqa ornalasady. Sonymen qatar jumys berýshiniń esebinen biliktilikti arttyryp, oqytýdan ótedi. Oqytý nátıjesi boıynsha LRT basqarýǵa arnalǵan halyqaralyq úlgidegi sertıfıkat beriledi. Oqytý Astana qalasynda júrgiziledi. Oqý merzimi — 8 aı. Baǵdarlamanyń maqsaty — mamandandyrylǵan kompanııalardy jumysqa tartpaı, jeńil relsti kólikti paıdalaný, aǵymdaǵy jáne kúrdeli qyzmet kórsetý úshin bilikti mamandardy daıarlaý, — delingen «City Transportation Systems» taratqan habarlamada.
Úmitkerlerge qoıylatyn talaptar:
— temir jol kóligi salasyndaǵy joǵary bilim;
— jumys tájirıbesi lokomotıv mashınısi laýazymynda keminde 3 jyl/lokomotıv mashınısi kómekshisi retinde keminde 5 jyl.
— Aýysymdyq kestemen jumys isteýge daıyn bolý.
Túıindeme CTS resmı saıty arqyly qabyldanady. Suraqtar boıynsha telefon nómiri: Astana qalasy +7 (7172) 577 177 (ishki 102, 31)
Aıta keteıik, qazir LRT poıyzdarynyń 29 operatory Tıantszın qalasynda (QHR) oqyp jatyr. Oqýdyń aıaqtalýy qyrkúıek aıynda synaq saparlarynyń bastalýyna josparlanǵan. Oqytý merdiger uıym — China Railway Asia-Europe Construction Investment kompanııasymen LRT salý shartynyń sheńberinde iske asyrylady.
Budan buryn maýsymda Astanada belgisiz bireýler LRT vagondaryna sýret salyp ketkeni anyqtaldy. Keıinnen osy oqıǵaǵa baılanysty qylmystyq is qozǵaldy.