LRT-niń bir quramy bir mezette 650 jolaýshy tasymaldaı alady
ASTANA. KAZINFORM – Elorda turǵyndaryna qoǵamdyq kólik qyzmetin kórsetetin City Transportation Systems kompanııasyndaǵylar (budan ári – CTS) LRT-niń bir quramyna neshe jolaýshy syıatynyn aıtty.
CTS málimetinshe, LRT parkinde 19 jyljymaly quram bar. Bir quramǵa 4 vagon tirkelgen jáne bir mezette 650 jolaýshy tasymaldaı alady. Osy 19 quramnyń 15-i kúndelikti jelige shyǵyp, halyqqa qyzmet kórsetse, qalǵan tórteýi rezervte turady.
– Quramdardyń arasyndaǵy qozǵalys ıntervaly 5-10 mınýt shamasynda josparlandy. Stansalar arasyndaǵy boljamdy júrý ýaqyty 1,5 mınýttan 3 mınýtqa deıin, - dep jazylǵan Kazinform saýalyna joldanǵan resmı jaýapta.
Eske sala keteıik, buǵan deıin LRT jolaýshylaryna 7 jasqa deıingi bir balany tegin alyp júrýge múmkindik beriletinin jazǵan bolatynbyz.
Sondaı-aq Astanadan Qosshyǵa deıingi LRT jelisiniń qurylysy kelesi jyldyń sońynda aıaqtalady dep kútilip otyrǵanyn jazǵan edik.
