LRT-nyń mańynan baspana satyp alý qanshalyqty tıimdi
ASTANA. KAZINFORM – LRT salynǵan joldyń boıynsha ártúrli ınfraqurylym damyp kele jatyr. Bul týraly BIZDIÑ ORTA podkastynda Astana qalasy ýrbanıstıka ortalyǵynyń aǵa ýrbanısi Nurqoja Baýyrjanuly málim etti.
- Negizi LRT-nyń salynýy óte kóp salaǵa áser etedi. Birinshiden, LRT-nyń aınalasynda, stantsııalarynyń mańynda kishigirim saıabaqtar salynyp jatyr. Qazir saıabaqtarǵa erekshe nazar aýdarylyp jatyr. Bizdiń negizgi baǵyttarymyz - ol jaǵalaýlar, LRT jáne eski tarıhı kósheler. Tarıhı kóshelerde qazir úılerdiń qasbetteri jańǵyrtylyp jatyr, jaǵalaýda abattandyrý jumystary qarqyn aldy. Al LRT-nyń aınalasynda qoıylǵan úlken maqsat — sol jerge qoǵamdyq keńistikter jasaý. Onyń aınalasy jaıly, serýendeýge jáne demalýǵa bolatyndaı qalyptasyp jatyr. Sonymen qatar, LRT-nyń boıynda qazir jańa oqý oryndary, jańaǵy ýnıversıtetter salynyp jatyr. Máselen, qala qalyptastyrýshy ónerkásip degen túsinik bar, ıaǵnı bir qala shahtanyń áserinen, al keıbiri zavodtyń áserinen paıda bolady. Bul rette, LRT soǵan uqsas sıpatta, - dedi Nurqoja Baýyrjanuly.
Osy oraıda maman LRT salynǵan joldyń boıynda túrli ınfraqurylym damyp kele jatqanyn aıtty.
- «LRT-nyń qasynda» degen sózdiń ózi qazir bir mártebe bolyp tur. Ol jerdegi bıznes, kommertsııalyq oryndardyń baǵasy ósedi, sondaı-aq úılerdiń baǵasy da ósedi, sol mańdaǵy kommýnıkatsııalar damıdy. Sebebi ol jerge jetý ońaı. Qazir basqa kez kelgen kólikke qaraǵanda, LRT-men júrý shynymen de jyldam, eshqashan kepteliste turmaıdy. Sondyqtan endi LRT Astanany damytatyn bir kúsh dep aıtýǵa da bolady, - dedi sarapshy.
Buǵan deıin habarlanǵandaı, Qazaqstanda LRT nysandaryna arnalǵan polıtsııa basqarmasy qurylady.
