LRT negizgi jelisinde relsterdi tóseý jumystary aıaqtaldy
ASTANA. KAZINFORM — Jalpy uzyndyǵy 22,4 shaqyrym bolatyn LRT negizgi jelisinde relsterdi tóseý jumystary aıaqtaldy. Bul elordanyń strategııalyq kólik jobasy qurylysyndaǵy negizgi kezeńderdiń biri.
Barlyǵy № 101–118 stantsııa aralyǵynda jáne olardyń aralyqtarynda 89 600 pogondyq metr rels tóseldi. Qazirgi ýaqytta relsterdi dánekerleý júrgizilip jatyr, odan keıin olardyń sońǵy bekitýi bastalady.
— Qurylys barysynda quramynda temir mólsheri joǵary kómirtekti bolattan jasalǵan relster qoldanyldy. Olar jiksiz tóseý tehnologııasy tásilimen aldyn ala kernelgen shpaldarǵa zamanaýı DTVII2-1 bekitý júıesi arqyly ornatyldy. Aıtylǵan tehnologııa jyljymaly quramnyń qozǵalysy kezinde shý men diril deńgeıin edáýir tómendetýge múmkindik beredi. Bul óz kezeginde jolaýshylar men jaqyn mańdaǵy aýdan turǵyndaryna qolaısyz jaǵdaı týǵyzbaý úshin jasalǵan, — delingen ákimdik habarlamasynda.
Budan ári tótenshe jaǵdaılar kezinde jolaýshylardyń qaýipsizdigin qamtamasyz etetin evakýatsııalyq platformalardy ornatý jumystary júrgiziledi.
Aıta ketelik CTS jáne Qytaı mamandary Astanada LRT jobasyn iske asyrýǵa kiriskeni týraly jazǵan edik.