LRT qurylysynyń jabdyqtary Astanaǵa jiberildi
ASTANA. QazAqparat - Astanaǵa Qytaıdan jeńil metro qurylysyna arnalǵan qural-jabdyqtardyń alǵashqy partııasy jóneltildi, dep habarlaıdy CGTN telearnasy Feısbýktegi paraqshasynda.
«Úrimji qalasynan attanǵan 41 konteınerli poıyz Qazaqstan astanasyna juma kúni jetedi. Jańa qalaishilik kólik júıesiniń uzaqtyǵy 23 shaqyrym bolady, onda 18 stansa men bir depo qarastyrylǵan. Poıyzdar saǵatyna 80 shaqyrym jyldamdyqpen qozǵalady», - dep habarlaıdy telearna.
LRT qurylysyna qajetti jabdyqtar Qytaı-Eýropa baǵytyndaǵy poıyzdarmen jiberiledi. Bul poıyzdar Alashańqaı men Qorǵas shekarasy arqyly kúnine eki márte qatynaıdy.
«Qazir biz 5,5 myń tonna alǵashqy partııany jiberýdemiz, bul jerde metall qurastyrǵyshtar, qurylys satylary bar», - deıdi jeńil metroǵa arnalǵan qural-jabdyqty jetkizýshi kompanııanyń qyzmetkeri ıAn Tszıan.
