LRT qurylysyna baılanysty Astanada birqatar kóshede qozǵalys shekteledi
ASTANA. QazAqparat - Astanada 29 qyrkúıekten bastap birqatar kóshede qozǵalys shekteledi, dep habarlaıdy qala ákimdiginiń saıty .
LRT jelisiniń qurylysy aýmaǵyn daıyndaý aıasynda ınjenerlik jelilerdi qaıta júrgizý jáne Syǵanaq pen Qaldaıaqov kóshesi joldaryn keńeıtý jumystary júrgizilýde. Osyǵan baılanysty keıbir aýmaqtarda tolyq jáne jartylaı jol qozǵalysyna shekteý qoıylady.
29 qyrkúıekten 2017 jyldyń sońyna deıin Syǵanaq kóshesi boıynsha Qabanbaı batyr dańǵylynan Máńgilik El dańǵylyna deıin jol jartylaı jabyq bolady.
29 qyrkúıekten 10 qazanǵa deıin Táýelsizdik dańǵyly men Qaldaıaqov qıylysynda kólik qozǵalysyna tolyq shekteý qoıylady.
29 qyrkúıekten 2017 jyldyń sońyna deıin Qaldaıaqov kóshesi boıynsha Táýelsizdik dańǵylynan Nájimedenov kóshesine deıin jáne M-3 kópirine deıin jartylaı shekteý qoıylady.
