LRT qurylys alańynda ilinip turǵan erekshe bannerlerge qatysty túsinik berdi

ASTANA. QazAqparat – «Astana LRT» seriktestigi qurylys alańdarynyń birinde qytaı jáne orys tilderinde jazylyp, ilinip turǵan ereshe bannerge qatysty túsinik berdi, dep habarlaıdy QazAqparat tilshisi.

«Kásiporyn qaýipsizdik boıynsha jeńimpaz. Ómir – ardaqtaýmen baǵaly», - dep jazylǵan LRT-nyń qurylys alańynda ilýli turǵan bannerde.

Buǵan qatysty túsinik bergen atalǵan kompanııanyń baspasóz qyzmeti mundaı bannerler áriptester arasyndaǵy birlik nyǵaıtyp, korporatıvtik rýhty kóterýge baǵyttalǵanyn túsindirdi.

«Merdigerler korporatıvtik rýhty nyǵaıtý úshin osyndaı bannerlerdi qoldanady. Mundaı qaýipsizdik jónindegi eskertpeler jazylǵan bannerler jumys oryndarynda da ilýli tur», - dep jaýap berdi LRT kompanııasynyń baspasóz qyzmetinen tilshi saýalyna oraı.

Aıta keteıik, «Astana LRT» jobasynyń bas merdigeri qytaılyq «China Railway Asia-Europe Construction Investment Co., Ltd» kompanııasy.