LRT qurylysynda qansha shetel azamaty jumys istep jatyr

Elordadaǵy LRT qurylysyn júrgizip jatqan jumysshylardyń bir bóligi – sheteldikter, dep habarlaıdy Kazinform.  

«Astana LRT jeńil relsti kólik jelisi – Qazaqstan Respýblıkasy jáne Qytaı Halyq Respýblıkasynyń qarym-qatynastyq kelisim aıasynda iske asyrylyp jatqan halyqaralyq joba. Ol kelisimshartqa saı tolyq aıaqtaý kózdelgen. Keshendi joba aıasynda qurylys jumystary, jergilikti jumysshylardy daıyndaý, oqytý men úıretý qarastyrylǵan. Bıyl qurylys jumysyna 1,5 myńǵa jýyq jumysshy tartyldy. Sheteldik jumysshylar boıynsha máseleler merdiger kompanııanyń óz quzyrynda», - dep jaýap berdi Kazinform saýalyna Astana qalasynyń ákimdigi.

Sondaı-aq elorda ákimdigi LRT jobasyna qansha qarjy bólingenin málim etti.

«LRT jobasy memlekettik bıýdjetten, sondaı-aq syrtqy qaryz jáne oblıgatsııalyq qarajattardy tartý arqyly qarjylandyryldy. Búgingi kúni qurylys 2026 jylǵa deıin iske asyrý merzimimen bıýdjet qarajaty esebinen júzege asyrylyp jatyr. Jobanyń jalpy quny – 1 888 mln AQSh dollary. 2023 jyly qurylys 686 mln dollarǵa qarjylandyryldy», - delingen aqparatta.

LRT qurylysy boıynsha Astanada Syǵanaq, Túrkistan kóshesindegi qozǵalystyń qaıta ashylatyny týraly habarlaǵan edik. 

Odan bólek, ákimdikten LRT jelisi táýligine 25 myń jolaýshy tasymaldaıtynyn aıtty.