LRT qurylysyna ulttyq qordan qansha qarjy tartyldy – Kólik mınıstri jaýaby

ASTANA. KAZINFORM – Búgin Úkimet úıinde Kólik mınıstri Marat Qarabaevqa elordadaǵy LRT qurylysyna qansha qarjy jumsaldy degen saýal qoıyldy.

ЛРТ LRT строительство құрылыс
Фото: Солтан Жексенбеков/Kazinform

- LRT qurylysyna bizdiń mınıstrlik jaýapty emes, ol ákimdik tarapynan júrgizilip jatqan jumys. Qarjy alý tetiginiń biri Kólik mınıstrligi arqyly alý boldy. Iá, qurylysty aıaqtaýǵa qosymsha qarjy bólinip jatyr, 54 mlrd teńge, - dep qysqa qaıyrdy Marat Qarabaev Úkimet otyrysynan keıin ótken baspasóz máslıhatynda.

Osy oraıda mınıstr LRT qurylysyna qatysty barlyq saýalǵa jergilikti atqarýshy organ, ıaǵnı elorda ákimdigi jaýapty ekenin aıtty.

- Jalpy qurylysyna, onyń iske qosylýyna, qandaı qarjy kózderi jáne qandaı qarjy kózderi qarastyryldy, onyń bárin Astana qalasynyń ákimdigi júrgizedi, - deıdi ol.

Odan bólek, BAQ ókili vedomstvo basshysynan LRT qurylysyna ulttyq qordan qarjy bólingenin rastaýyn surady.

- Aıttym ǵoı, ulttyq qordan aqsha tartylǵanyn tolyǵymen rastaımyn. Óıtkeni, aqshany alý kózi bizdiń mınıstrlik arqyly boldy. Jalpy bul – bólingen qarjynyń bir bóligi, - dep tolyqtyrdy M.Qarabaev.

Aıta ketsek, taıaýda ótken Úkimettiń keńeıtilgen otyrysynda Astana ákimi Jeńis Qasymbek LRT qurylysynyń aıaqtalýǵa jaqyn ekenin aıtqan edi. 

Сейчас читают