LRT qurylysyna baılanysty Astananyń eki jol ýchaskesinde kólik qozǵalysy shekteledi

ASTANA. KAZINFORM – Astana ákimdigi LRT qurylys jumystaryn júrgizý josparyna  baılanysty joldardyń eki ýchaskesinde qozǵalys shekteletini týraly eskertti.

— Astana qalasynyń Kólik jáne jol-kólik ınfraqurylymyn damytý basqarmasy qala turǵyndary men qonaqtaryn Oqjetpes kóshesinen tuıyqqa deıingi ýchaskede Sh. Bókeev kóshesiniń ortasha jóndeý boıynsha jumystardyń bastalǵany týraly habardar etedi, — delingen habarlamada. 

Osyǵan baılanysty,  20 men 30 sáýir aralyǵynda kórsetilgen ýchaskede qozǵalys ishinara jabylady.

— Bul rette qozǵalys taraptardyń biri boıynsha eki baǵytta da uıymdastyrylatyn bolady. Júrgizýshiler men jaıaý júrginshilerden marshrýttardy aldyn ala josparlaýdy jáne qozǵalysty uıymdastyrýdaǵy yqtımal ózgeristerdi eskerýdi suraımyz. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady. Osy ózgeristerge túsinistikpen qaraýdy jáne qala boıynsha qozǵalystardy josparlaý kezinde olardy aldyn ala eskerýdi suraımyz, — delingen Astana ákimdigi habarlamasynda.

Aıta ketelik Astanada 20 sáýirden bastap ortalyq kóshelerdiń biri 5 aıǵa jabylady.