LRT qurylysy: Elordada Syǵanaq kóshesiniń ýchaskesi ýaqytsha jabylady
ASTANA. KAZINFORM — Syǵanaq kóshesiniń ońtústik jaǵy — Aqmeshit jáne Túrkistan kósheleriniń qıylysyndaǵy ýchaskede kólik qozǵalysy tolyq shekteledi, dep habarlaıdy Astana ákimdiginiń resmı saıty.
Syǵanaq kóshesindegi LRT jabyq jaıaý júrginshiler ótkeliniń ýchaskesinde (MBK «Abý Dabı Plaza» ǵımaratynan «112 stantsııasy» ǵımaratyna deıin) qurylys aǵashtaryn bólshekteý jáne materıaldardy shyǵarý jumystary júrgizilip jatyr.
— Bólshekteý jumystary 23 qazan kúni saǵat 12:00–den 25 qazan kúni saǵat 00:00–ge deıin júrgiziledi. Jumystardyń júrgizilýine baılanysty Syǵanaq kóshesiniń ońtústik jaǵy — Aqmeshit jáne Túrkistan kósheleriniń qıylysyndaǵy ýchaskede kólik qozǵalysy tolyq shekteledi. Qala turǵyndary men qonaqtarynan qozǵalys baǵyttaryn aldyn ala josparlaýdy suraımyz, — delingen ákimdik taratqan aqparatta.
Osyǵan deıin Astanada kepildik merzimi ótken úıler boıynsha shaǵymdar kóbeıgenin jazǵan edik.