LRT qurylysy: Astanada Syǵanaq, Túrkistan kóshesindegi qozǵalys qaıta ashylady
Búginde LRT jelisiniń barlyq obektisinde qyzý jumys júrip jatyr. Sonymen qatar kólik júrgizýshileri úshin jol qozǵalysy qaıta qalpyna keltiriledi, dep habarlaıdy Kazinform.
«Barlyq ýchaske boıynsha jumystar josparǵa saı júrip jatyr. Onyń ishinde svaılar, rostverk, estakada jáne stantsııa temirbeton konstrýktsııalarynyń qurylys jumystary. LRT jelisi birneshe dańǵyldy kesip ótetin bolǵandyqtan monolıtti arkalardyń qurylysy qarastyryldy. Táýelsizdik dańǵyly men Sh.Qaldaıaqov kóshesiniń qıylysynda ýaqytsha qoıylǵan ótkel 25 qazannan bastap qaıta ashyldy. Búginde Saýran, Aqmeshit, Túrkistan kósheleriniń qıylysynda jumys júrip jatyr. Qazirgi ýaqytta Syǵanaq dańǵyly boıynsha «Nomad» turǵyn úı kesheninen Túrkistan kóshesine deıingi ýchaskede qozǵalys shektelgen. Ol jumysty 30 qarashaǵa deıin aıaqtap, qozǵalysty ashý josparlanyp otyr», - dedi Astana qalasy ákimdiginen Kazinform tilshisiniń joldaǵan saýalyna.
Sondaı-aq ákimdik LRT jelisi qurylysyn 2024 jyly aıaqtaý kerektigin aıta kele, astanalyqtarǵa qolaısyzdyqtar týdyrǵanyn aıtyp otyr.
«Odan bólek Aqmeshit qıylysyndaǵy ýaqytsha arka aıaqtalý satysynda. Abý-Dabı Plazanyń aldynda ǵımaratqa tikeleı qosylatyn stantsııa salý qarastyrylǵan. Іrgetasy quıylyp jatyr. Qurylys-montaj jumystary áýejaıdan jańa temirjol vokzalyna deıin Qabanbaı batyr, Syǵanaq, Qaldaıaqov jáne A82 kóshelerindegi LRT jelisiniń barlyq ýchaskesinde júrgizilip jatyr», - deıdi ákimdikten.
