LRT qurylysy: Astanada birneshe kóshe jabylady

ASTANA. KAZINFORM – Astanada LRT qurylysy boıynsha jumystar júrgizý josparyna sáıkes, polıtsııa departamentiniń kelisimi boıynsha, 16 tamyzdan saǵat 00:00-den bastap (15-nen 16-na qaraǵan túni) 19 tamyz saǵat 06:00-ge deıin, Máńgilik el dańǵyly boıymen, Syǵanaq kóshesimen qıylysynda, eki baǵytta qozǵalysty jabylady, dep habarlaıdy elorda ákimdiginiń resmı saıty.

Bul rette ońtústik jáne soltústik baǵyttaǵy burylys sezderi ashyq bolady.

Qoǵamdyq kólik qozǵalysy Túrkistan jáne Aqmeshit kósheleri arqyly júzege asyrylady. Baǵdarlardyń qozǵalys syzbasy CTS saıtynda jáne áleýmettik jelidegi paraqshalarynda jarııalanady.

«Qala turǵyndary men júrgizýshiler jaǵdaıǵa túsinistik tanytyp, qozǵalys baǵytyn aldyn ala josparlaýy qajet»,-delingen habarlamada.

Osyǵan deıin Astana qalasynyń Kólik jáne jol-kólik ınfraqurylymyn damytý basqarmasy «Alaý» muz saraıy tarapynan «Astana Arena» mańyndaǵy Qabanbaı batyr dańǵyly men Turan dańǵylyn jalǵaıtyn jergilikti jol tóseminiń joǵarǵy qabatynyń tósemi boıynsha jumys júrgizetini habarlandy.