LRT qary qalaı tazalanady
ASTANA. KAZINFORM — Elordada ornalasqan LRT jelisindegi qar tazalaý jumystary shekteýli rejımde júrgizilip jatyr. Bul týraly City Transportation Systems kompanııasy málim etti.
Kompanııanyń habarlaýynsha, LRT jelisin synaqtan ótkizý barysynda merdiger uıymdarmen birlesip estakadanyń tehnıkalyq jaǵdaıy kúndelikti tekseriledi.
— Qajet bolǵan jaǵdaıda qar men muz qatqan ýchaskeler qolmen tazalanady. Qazirgi synaq kezeńinde qar tazalaıtyn arnaıy tehnıkany paıdalaný ýaqytsha shektelgen. Sonymen qatar, jańbyr sýyn aǵyzý júıesi tolyq iske qosylý satysynda tur, — dep habarlady kompanııa ókilderi.
Sondaı-aq mekeme mamandary synaq aıaqtalyp, jeli turaqty jumys rejımine kóshkennen keıin joldardy tazalaý arnaıy tehnıka men aýa aǵyny júıeleri arqyly júrgiziletinin atap ótti.
Aıta keteıik, birer kún buryn LRT stantsııasy mańynda órt shyqty.