LRT isin tergeýmen kim aınalysyp jatyr
«LRT jobasyn tergeý isi boıynsha Esep komıteti respýblıkalyq bıýdjettiń iske asyrylýyna baqylaý jasap, Sybaılas jemqorlyqqa qarsy qyzmet tıisti tergeýdi júrgizip jatyr», - dep málimdedi kólik jáne jol-kólik ınfraqurylymyn damytý basqarmasy.
Eske salsaq, Prezıdent LRT qurylysyn jedeldetýdi jáne oǵan qatysty isti tergeýdi tapsyrǵan bolatyn.
«Sybaılas jemqorlyqqa qarsy is-qımyl agenttigine tergeýdi jedeldeý tapsyrmasymen júgingim keledi. Bireýlerdiń shetelge qashyp ketkenin aıtyp, «jeńildiń astymen, aýyrdyń ústimen» júrýge bolmaıdy. Bul josparlanǵan qashý ekeni túsinikti. Ózgelerdi, onyń ishinde sheshim qabyldaǵan ákimdiktiń basshylaryn qaperden tys qaldyrmaý kerek», - dedi Memleket basshysy.
Buǵan deıin LRT qurylysy ýaqytsha toqtaǵanyn habarlaǵan bolatynbyz. Oǵan qatysty Úkimet basshysy Asqar Mamın pikir bildirdi.