LRT isi: Nur-Sultan qalasy máslıhatynyń hatshysy qamaýǵa alyndy
«Qazirgi ýaqytta ákimdiktiń burynǵy basshylary qamaýǵa alyndy. Olar R. Amanjolov jáne J Nurpeıisov pen úsh merdiger uıymnyń basshylary», - deıdi Sybaılas jemqorlyqqa qarsy is-qımyl agentiginiń ekinshi departamentiniń basshysy Sergeı Perov.
Onyń aıtýynsha, qylmysty Nur-Sultan qalasy ákiminiń burynǵy orynbasary Sultanbekov pen «Astana LRT» basshysy T.Ardan sheteldik jáne qazaqstandyq kompanııalardyń qatysýymen uıymdastyrǵan.
«Osy laýazymdaǵy tulǵalar ákimdik basqarmalarynyń burynǵy basshylary R.Amanjolov, J.Nurpeıisovtiń qatysýymen 24 mlrd teńgeden astam qarajat jumsalǵan. Bul qarjyǵa jobalyq-smetalyq qujattamany ázirleý, keńesshilik qyzmetterdi kórsetý jáne tehnıkalyq baqylaý shyǵyndary kirgen», - deıdi ol.
Sondaı-aq, Sybaılas jemqorlyqqa qarsy is qımyl qyzmeti J.Nurpeıisov Nur-Sultan qalasy máslıhatynyń hatshysy ekenin aıtty.
Elorda saıtyndaǵy málimet boıynsha, Janat Nurpeıisov 2016 jyldyń 20 naýryzynda altynshy shaqyrylymdaǵy Astana qalasy máslıhatynyń depýtaty bolyp saılanǵan.