12:35, 22 Sáýir 2024 | GMT +6
LRT qurylysy: Syǵanaq kóshesindegi jol qozǵalysy ýaqytsha ózgeredi
ASTANA. KAZINFORM – LRT ýchaskelerindegi jumystarǵa baılanysty qalalyq polıtsııa departamentimen kelise otyryp, Syǵanaq kóshesinde kólik qozǵalysy ýaqytsha ózgeredi. Bul týraly Astana ákimdiginiń resmı saıty jazdy.
«24 sáýir men 30 qarasha aralyǵynda Aqmeshit kóshesinen Túrkistan kóshesine deıingi aýmaqta Syǵanaq kóshesiniń boıynda kólik qozǵalysyn tolyǵymen shekteý josparlanyp otyr. Ol jerde «Abý-Dabı Plaza» bıznes ortalyǵynyń ǵımaratymen ıntegratsııalanǵan 112-LRT stantsııasynyń qurylysyna qatysty jumystar júrgiziledi», — delingen habarlamada.
Bul rette Aqmeshit kóshesi men Túrkistan kóshesi boıyndaǵy qozǵalys ashyq bolady.
Elorda qonaqtary men turǵyndary qozǵalys baǵytyn aldyn ala josparlaýy qajet.
