LRT deposy 50%-ǵa daıyn
ASTANA. KAZINFORM — Astana qalasynda LRT deposynyń keshendi ortalyǵynyń nysandary men ǵımarattarynyń qurylysy jalǵasyp jatyr. Bul týraly CTS kólik kompanııasy málim etti.
Depo — jyljymaly quramdy senimdi paıdalanýdy, tehnıkalyq qyzmet kórsetýdi jáne saqtaýdy qamtamasyz etetin kólik ınfraqurylymynyń negizgi býyny. Búginde nysannyń daıyndyǵy 50% quraıdy.
Keshendi ortalyqqa basqarý ortalyǵy, paıdalaný deposy, jóndeý deposy, lokomotıv deposy sııaqty birneshe negizgi nysandar kiredi.
— Deponyń keshendi ortalyǵyn qurý LRT tehnıkasyn paıdalanýǵa, jóndeýge jáne qyzmet kórsetýge baılanysty barlyq protsesterdi ortalyqtan basqarýǵa múmkindik beredi. Qazirgi kezeńde paıdalaný jáne lokomotıv deposyndaǵy negizgi temirbeton jáne metall konstrýktsııalyq jumystar aıaqtaldy. Іshki bólimderdi montajdaý jumystary júrgizilip jatyr, — delingen habarlamada.
Keshendi ortalyqty iske qosý barlyq 18 stantsııanyń jáne tutastaı alǵanda búkil jeliniń turaqty jumys isteýi úshin qajetti poıyzdardyń qozǵalysyn jáne barlyq LRT ınfraqurylymynyń jaı-kúıin táýlik boıy baqylaýdy qamtamasyz etedi.
Jumystar bekitilgen kestege sáıkes júrgizilip jatyr.
Buǵan deıin habarlanǵandaı, Astanada LRT jelisiniń jartysyna jýyǵy daıyn boldy.
Al 11 maýsym kúni №101 stantsııasyna alǵashqy LRT quramy kóterilgen bolatyn.
Qala ákimi Jeńis Qasymbek LRT 2026 jyldyń 1-toqsanynda resmı iske qosylatynyn málimdegen edi.