LRT-da júrý tarıfi ózgere me
ASTANA.KAZINFORM – Elorda ákiminiń orynbasary Ersin Ótebaev LRT-da júrý tarıfin kóterý josparda joq ekenin aıtty.
Búgin Parlament palatalarynyń birlesken otyrysynan keıin tilshiler LRT-da jol júrý tarıfi qanshalyqty sýbsıdııalanatynyn surady.
- Sýbsıdııalarǵa keletin bolsaq, bul baǵytta tolyq zertteýge belgili bir ýaqyt qajet etedi, ıaǵnı naqty túsinik bolýy úshin LRT marshrýty tolyq iske qosylýy kerek. Qazir baǵasy ózgerissiz qaldy, - dedi E.Ótebaev.
Sonymen qatar ol qoǵamdyq kólik kóp jaǵdaıda ózin-ózi aqtamaıtynyn aıtty.
- Sebebi qoǵamdyq kólikter únemi áleýmettik baǵytta júzege asyrylady. Sondyqtan qazir jobanyń ózin-ózi aqtaýy týraly aıtý áli erte. Jalpy, LRT qunyn kóterý josparda joq. Onyń tarıfi 200 teńge jáne Qosshy baǵytynda da osy baǵa bolady, - dedi ákimniń orynbasary.
Eske salsaq, LRT jolaýshylar úshin 16–17 mamyrda ashylady. Kólik kún saıyn saǵat 06:00-den 23:00-ge deıin qatynaıdy. Operatordyń baǵalaýynsha, joba iske qosylǵan alǵashqy kezeńde táýligine 25 myńnan 45 myńǵa deıin jolaýshy tasymaldanady.
Onda jol júrý tarıfi 200 teńge dep bekitilgen.
