Lozannadaǵy Olımpıadada el namysyn 26 sportshy qorǵaıdy

NUR-SULTAN. QazAqparat - 9-22 qańtar aralyǵynda Shveıtsarııanyń Lozanna qalasynda ótetin jasóspirimder arasyndaǵy qysqy Olımpıada oıyndarynda el namysyn 26 sportshy qorǵaıdy, dep habarlaıdy QazAqparat.

QR Ulttyq olımpıada komıteti habarlaǵandaı, osymen úshinshi márte alaýy tutanatyn tórt jylda bir keletin dúnıejúzilik dodaǵa Qazaqstan 26 joldama jeńip alǵan.

Lozannadaǵy Jasóspirimder Olımpıadasynda jalpy álemniń 70 memleketinen 15-18 jas aralyǵyndaǵy 1880 sportshy sporttyń 16 túrinen baq synaıdy.

Atap aıtar bolsaq, jas sportshylar shańǵy jarysy, snoýbord, frıstaıl, shańǵy qossaıysy, taý shańǵysy, shańǵymen tuǵyrdan sekirý, alpınızm, bıatlon, shaıbaly hokkeı, shanamen syrǵanaý, bobsleı, skeleton, mánerlep syrǵanaý, short-trek, konkımen júgirý jáne kerlıngten synǵa túsedi.

Esterińizge sala keteıik, qazaqstandyq sportshylar 2012 jylǵy Insbýrktegi Olımpıadaǵa 37 sportshy aparsa, 2016 jyly Lıllehamerde ótken qysqy oıyndarda 20 atlet baq synady. Mine, 2020 jyly ótetin dodada 26 sportshyǵa úmit artyp otyr.