Lozannada Olımpıada-2022-ge úmitker Almaty jáne Beıjińniń tanystyrylymy ótedi
ASTANA. QazAqparat - Halyqaralyq olımpıada komıteti atqarýshy komıtetiniń kezekti otyrysy jeksenbide osy uıymnyń shveıtsarııalyq Lozanna qalasyndaǵy shtab-páterde ótedi.
Atqarýshy komıtet músheleri (HOK) túrli úılestirýshi komıssııalary ókilderiniń jáne Rıo-do-Janeıroda 2016 jyly, 2020 jyly Tokıoda jazǵy Olımpıadalyq oıyndar, Phenchhanda 2018 jyly ótetin qysqy Olımpıada, aldaǵy jyly aqpanda norvegııalyq Lıllehammerde ótetin qysqy Jasóspirimder oıyndary - iri jarystarynyń uıymdastyrýshylarynyń baıandamalary tyńdalyp, talqylanady.
9 maýsymda Lozannanyń Olımpıada murajaıynda Almaty (Qazaqstan) jáne Beıjiń (Qytaı) - 2022 jylǵy qysqy Olımpıada oıyndaryn uıymdastyrýǵa kandıdat qalalardyń ókilderiniń qatysýymen HOK otyrysy ótedi. Olar komıssııa múshelerine óz baǵdarlamalaryn usyna alady. 10 maýsymda Almaty men Beıjiń Lozannanyń qonaqúıleriniń birinde tusaýkeserin ótkizedi. 2022-Oıynyna astana tańdaýǵa daýys berý 31 shildede Kýala-Lýmpýrde (Malaızııa) HOK sessııasynda uıymdastyrylady.
