Loýkosterlerde jolaýshylar endi turyp ushýy múmkin

ASTANA. KAZINFORM – Bıýdjettik áýe kompanııalary turyp turatyn jolaýshylarǵa arnalǵan oryndardy 2026 jyldan bastap iske qosa alady. Bul olardyń dızaıny qajetti qaýipsizdik synaqtarynan sátti ótkennen keıin múmkin bolmaq, dep habarlaıdy AZƏRTAC.

Mundaı oryndar jumsaq qaptalǵan, «amerıkalyq taýlar» stılinde, jolaýshylarǵa shalqaıyp turýǵa múmkindik beredi, biraq otyrýǵa arnalmaǵan. Bul sheshim ár reıstiń jolaýshy ótkizý múmkindigin 20%-ǵa arttyrýy múmkin.

AZƏRTAC sheteldik BAQ-qa silteme jasap habarlaǵandaı, Skyrider atty alǵashqy turýǵa arnalǵan oryndy ıtalııalyq Aviointeriors kompanııasy 2018 jyly tanystyrǵan. Olar tek eki saǵattan aspaıtyn qysqa reısterge arnalýy tıis edi.

Ryanair áýe kompanııasynyń bas dırektory Maıkl O’Lırı bul ıdeıany 2012 jyldan beri qoldap keledi jáne bılet quny nebári 1 fýnt sterlıng bolýy múmkin ekenin aıtqan.

Alaıda qazirgi tańda eshbir áýe kompanııasy mundaı oryndardy resmı túrde engizetinin rastaǵan joq. 

Aıta ketelik keıbir jolaýshylar ushaq áýejaıǵa qonar-qonbastan ornynan turyp, shyǵýǵa daıyndala bastaıdy. Mamandardyń aıtýynsha, bul áýe qatynasy talaptaryna qaıshy. Osy turǵyda atalǵan máselege qatysty istiń mán-jaıyn Kólik mınıstrliginde aıtyp bergen edi.