Lotoreıadan utqan frantsýz 50 mln. eýrony qaıyrymdylyqqa jumsamaq
ASTANA. QazAqparat - EuroMillions lotoreıasynda 72 mln. eýro utqan Frantsııa turǵyny utqan qarjysynyń basym bóligin qaıyrymdylyqqa jumsamaq. Sheteldik BAQ habarlaǵandaı, er adam 50 mln. eýrony qaıyrymdylyqpen aınalysatyn 10 mekemege bólip beredi.
72 mln. eýro utqan er adam jaıly aqparat az. Lotoreıa utysyn uıymdastyrýshylardan túsken málimetke qaraǵanda, ol tek óziniń 50 jasta jáne balasy joq ekendigin aıtýǵa ǵana ruqsat bergen. Otbasylyq jaǵdaıy týraly da aıtylmaǵan.
Bul utys 2014 jyldyń aqpan aılarynda ótken, alaıda ol qarajatty ne isteý kerek ekendigin er adam endi ǵana sheshse kerek.
