Lotereıadan sportty qoldaýǵa qansha qarjy baǵyttalady

NUR-SULTAN. QazAqparat – Parlament Májilisiniń jalpy otyrysynda Mádenıet jáne sport mınıstri Aqtoty Raıymqulova ulttyq lotereıany satýdan túsken qarjy qaı baǵytta jumsalatynyn aıtty, dep habarlaıdy QazAqparat tilshisi.

«Zańnamaǵa sáıkes, toqsan saıyn sportty damytýǵa tıisti soma tólenedi. Zań boıynsha bul deńgeı 10 paıyzdy quraıdy. Konkýrs nátıjesi aıasynda «Sátti juldyz» óz tabysynyń 15 paıyzyn tóleý mindetin aldy. Búginde 376 mln teńge tólengen, taǵy da 421,7 mln teńge bólinedi. Qazirgi tańda bul qarjy Ulttyq Olımpıada komıtetine baǵyttalýda. ıAǵnı ákimshilik shyǵyndar men jarǵylyqty qyzmetterdi oryndaýǵa, olımpıadalyq sportty qoldaýǵa arnalǵan», - dedi A. Raıymqulova.

Budan buryn habarlanǵandaı, Parlament Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine lotereıalar jáne lotereıa qyzmeti máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.

«Lotereıa týraly qysqasha túsindirme bergim keledi. Lotereıada lotereıa operatory qatysýshylardyń aqshasyn jınaıdy jáne keıinnen olardy osy qatysýshylardyń arasynda taratady. Barlyǵyna emes, sátti túskenderge kepildik beredi. Sonymen qatar, jınalǵan qarajattyń bir bóligin eldegi sporttyń damýyna baǵyttaıdy. Lotereıa operatorynyń mindeti - utystardy lotereıa qatysýshylary arasynda erkin tańdaý tásilimenen bólip berý», - dep túsindirdi mınıstr. Osy oraıda A. Raıymqulova lotereıa elimizde memleket baqylaýynda ekenin atap ótti.

Aıta keteıik, Lotereıany zańsyz ótkizgenderge jaýapkershilik belgilendi.