Lotereıadan asa iri kólemde aqsha utqandar túrmege otyrǵyzyldy
ASTANA. 27 qyrkúıek. QazAqparat - Altaı respýblıkasynda «Reseı poshtalary» lotereıasynda qýlyq-sumdyqtar jasap, aıyby ashylǵan Novosibir oblysynyń eki turǵynyna qatysty úkim shyǵaryldy.
Bul týraly 26 qyrkúıek kúni RF Bas prokýratýrasynyń saıtynan habarlandy.
2011 jyldyń sáýir-maýsym aılarynyń aralyǵynda Mansur Azımov pen ıÝrıı Sosnın lotereıa oıyndarynda utyp otyrǵan. Utqan bıletterin olar Altaıda, «Reseı poshtalarynyń» Maımın bóliminde usynǵan. Azımov pen Sosnın poshtadan barlyǵy 5 mıllıon, 18 myń rýbldi shytyrlatyp sanap aldy.
Kóp uzamaı poshtadaǵylar olarǵa kúdiktene bastady. Qylmystyq is qozǵaldy. Tergeý barysynda Sosnın men Azımovtyń utysqa qol jetkizgen sandardy aldaý jolymen, tyıym salynǵan erejelermen anyqtaǵany rastaldy.
Novosibirlikter alaıaqtyq jasaýda aıypty dep tanyldy. Olar 4,5 jylǵa bas bostandyǵynan aıyryldy.
