Lotereıadan 130 mln teńge utyp alǵan qazaqstandyqtar utysyn alýǵa kelmedi

ASTANA. KAZINFORM — Týrızm jáne sport vıtse-mınıstr Mıras Tólebaev byltyr lotereıanyń ádiletsiz ótkenine qansha shaǵym túskenin aıtty.

«Utylǵandarǵa kelsek, bul jerde jaǵdaı túbirimen basqasha. Kerisinshe, utylǵandar lotereıa operatoryna jappaı aqparattyq shabýyl jasap, mınıstrlikke shaǵym túsiredi. Biz óz kezegimizde ár shaǵymdy jeke zerttep, operatormen birge daýdy medıatsııa arqyly sheshýge tyrysamyz», — dedi vıtse-mınıstr ortalyq kommýnıkatsııalar qyzmetinde ótken brıfıngide. 

Onyń sózinshe, byltyr osyndaı 36 shaǵym bolǵan.

«Taǵy bir mańyzdy jaıt — jarty jyldyń ishinde utysyn almaý faktileri bar. Ondaı utystar memleket bıýdjetine jiberiledi. Búgindeı ondaı utys kólemi 130 mln teńgeden asyp otyr», — dedi Mıras Tólebaev.