Lotereıadaǵy utysy úshin jeti jyl sottasqan kanadalyq azamat jeńilip qaldy
ASTANA. QazAqparat - Lotereıada 21 mln dollardy quraǵan djekpottyń jartysyn utqan Kanada azamaty jeti jylǵa sozylǵan sot protsesinde jeńilip qaldy, dep jazady VVS.
Onyń paıdasyna sheshilmegen sot qaýlysynda aryzdanýshy bıletti oıyn ótip ketkennen keıin satyp alǵany kórsetilgen.
Djoel Ifergan eki lotereıa bıletin satyp alǵan, alaıda anyqtalǵandaı, utys bıleti resmı kórsetilimnen soń jeti sekýndtan keıin alynǵan. Keıbir málimetter boıynsha, ol sotqa shaǵymdanyp júrip, osy isti qaraýǵa shamamen 100 myń dollar jumsaǵan.
Jeńilgenine qaramastan, ol lotereıa oınaýdy toqtatpaıtynyn, óıtkeni onyń taǵy bir ret utýy múmkin ekenin aıtady.
