Lotereıadaǵy alaıaqtyǵy úshin baǵdarlama jasaýshy 25 jylǵa sottaldy
ASTANA. QazAqparat - AQSh-ta Shtataralyq lotereıa qaýymdastyǵynyń burynǵy baǵdarlamashysy Eddı Tıpton lotereıa bıletteri arqyly jasaǵan alaıaqtyǵynan soń sot sheshimimen 25 jylǵa bas bostandyǵynan aıyryldy.
Ol keltirgen shyǵyn 2 mln dollardy quraǵan. Bul týraly Fox News arnasy habarlady.
Aıyptaýlarǵa sáıkes, Tıpton sandardyń túsýin boljaıtyn kod oılap tapqan. Sol arqyly utys nómirlerin aldyn ala bilip, tanystaryna habarlap otyrady. Utystan keıin olar aqshany ózara bólip alatyn bolǵan.
Nátıjesinde, baǵdarlama jasaýshy 14 mln dollar utysyn alýǵa kelgen kezde ony tutqyndady. Tıpton bar kinásin moıyndap otyr. Endi ol zańsyz túrde tapqan bar aqshasyn qaıtarýy tıis.
