Lotereıa oınap, úsh aıda eki ret 1 mln. dollardy qaltasyna basty
ASTANA. QazAqparat - AQSh-tyń Indıana shtatyndaǵy Indıanapolıs qalasynyń turǵyny lotereıa oınap, nebári úsh aı ishinde eki ret 1 mln. dollardan utyp alǵan.
Fox News habarlaǵandaı, Robert Gamılton alǵash ret bıylǵy jyldyń sáýir aıynda «120 mln. dollarǵa attraktsıon» lotereıasyn satyp alyp, sodan qomaqty qarajat utqan. Al úsh aıdan soń bıletterdi túrli qalalarda satyp alǵandyǵyna qaramastan, tup-týra sol utysy qaıtalanǵan.
Bir emes, eki ret baǵy janyp, qoly júrgen amerıkandyqtyń aıtýynsha, ol alǵashqy utqan qarajatymen qaryzdaryn ótep, ózine jáne áıeline úı satyp almaq. Ári, teńizge baryp demalýdy da josparlap otyrǵan kórinedi. Al qaltasyna ekinshi oıynda túsken qarajatqa kópten bergi armany - mototsıkl satyp alýdy kózdep júr eken. Osy lotereıa bıletterin shyǵaratyn Hoosier Lottery kompanııasynyń ókilderiniń aıtýynsha, mundaı basty júldeni utyp alý 2,1 mln. adamǵa shaqqanda bir-aq ret túsetin múmkindik eken.
