Los-Anjeleste júk mashınasy birneshe júrginshini qaǵyp ketti
ASTANA. QazAqparat - Jeksenbi kúni amerıkalyq Los-Anjeles (Kalıfornııa shtaty) aýdandarynyń birinde júk mashınasy bir top adamdy qaǵyp ketti.
Bul jaıly Fox News telearnasy habarlaıdy.
Telearna málimetinshe, kólik Mıd-Ýılshır aýdanynda jaıaý júrginshiler serýendep júrgen joldyń jıegine shyǵyp ketken. Oqıǵa saldarynan kem degende 6 adam zardap shekti, dep habarlaıdy TASS agenttigi. Olar aýrýhanalarǵa jetkizildi, tórteýiniń jaǵdaıy asa aýyr dep baǵalanyp otyr.
Qalalyq polıtsııa basqarmasynyń ókili Rozarıo Errer telearnaǵa bergen suhbatynda aldyn ala málimetter boıynsha, kólik adamdardy kezdeısoq qaqqandyǵyn jáne ádettegi jol-kólik apatyna jatatyndyǵyn málim etti. Júrgizýshi oqıǵa ornynan izin jasyrýǵa tyrysqan joq, polıtsııa qyzmetkerleri ony tergep jatyr.
