Los-Anjeleste Dúnıejúzilik polıtseıler jáne órt sóndirýshiler oıyndary ótip jatyr
ASTANA. QazAqparat - Dúısenbi kúni Los-Anjelestegi Coliseum stadıonynda Dúnıejúzilik polıtseıler jáne órt sóndirýshiler oıyndary ashyldy.
Oǵan álemniń 67 eliniń ókilderi qatysýda. Oıyn baǵdarlamasyna tapansha jáne vıntovkadan atý, úsh jarys, on satyly jarys, erkin kúres, karate, dzıýdo, motokross, órt sóndirý quraldaryn óristetý boıynsha báseke kiredi.
Alǵashqy dúnıejúzilik polıtseıler jáne órt sóndirýshiler oıyndaryn 1985 jyly Kalıfornııanyń sporttyq polıtsııa federatsııasy uıymdastyrǵan bolatyn. Odan keıin ár eki jyl saıyn jarys AQSh, Kanada, Avstralııa, Shvetsııa, Ulybrıtanııa elderinde ótkizilip keldi. Al 2019 jyly jarys Qytaıda, 2021 jyly Nıderlandyda ótedi dep josparlanyp otyr.
