Los-Andjelestegi órt: tonaý qaýpine baılanysty komendanttyq saǵat engizildi
ASTANA. KAZINFORM – Juma kúni keshke jergilikti bılik órtke baılanysty turǵyndar bosatqan Tynyq muhıty Palıfık-Palıseıds jáne Iton aýdandarynda saǵat 18.00-den tańǵy 6.00-ge deıin komendanttyq saǵat jarııalady, dep habarlaıdy Kazinform agenttigi BBC-ge silteme jasap.
Komendanttyq saǵat bos qalǵan úıler, sonyń ishinde mıllıondaǵan dollarǵa baǵalanǵan záýlim úıler tonalýy múmkin degen qaýipke baılanysty jarııalanǵan.
- Talan-tarajdyń oryn alyp jatqanynyń aıqyn belgileri bar. Keıbireýlerdiń apattan aman qalǵan adamdar turyp jatqan aımaqtarǵa tonaý úshin bara jatqanynyń aıqyn belgileri bar, - dedi Baıden.
Bıliktiń habarlaýynsha, tonaýdyń aldyn alý úshin Palıseıds pen Itonǵa 210 polıtsııa qyzmetkeri jiberildi.
Baıden Kalıfornııada orman órtine baılanysty apatty jaǵdaı jarııalady.
Buǵan deıin Kalıfornııada orman órtinen qaza tapqandar sany 10 adamǵa jetkenin jazǵan bolatynbyz.
Los-Andjeleste Kalıfornııa ormanyn órtedi degen kúdikke ilingen er adam qamaýǵa alyndy.
«Halyqaralyq baǵdarlamalar ortalyǵy» AQ Kalıfornııa shtatynda bolyp jatqan orman órtterine baılanysty jaǵdaıdy muqııat baqylaýda.