Los-Andjeleste úzdik akterler «Altyn globýs» syılyǵymen marapattaldy

«Úzdik televızııalyq shaǵyn serıal nemese fılm» atalymynda «Fargo» (Fargo) týyndysy «Altyn globýsqa» ıe boldy. Televızııalyq shaǵyn serıal nemese fılmniń úzdik akteri bolyp Martın Frıman («Fargo») ataldy.

Gollıvýd janynda akkredıttelgen sheteldik tilshiler qaýymdastyǵynyń syılyǵy - «Altyn globýsty» «Baldáýren» (Boyhood) lentasyndaǵy jumysy úshin Rıchard Lınkleıter «Úzdik rejısser» atalymynda aldy.

Alehandro Gonsales Inıarrıtý, Armando Bo, Nıkolas Djıakobone jáne Aleksandr Dınelarıs «Berdmen» (Birdman) lentasyndaǵy jumysy úshin «Úzdik stsenarıı» atalymynda úzdik dep tanyldy.

Televızııalyq komedııanyń úzdik akteri bolyp «Aıqyndylyq» (Transparent) telehıkaıasyndaǵy róli úshin Djeffrı Tembor tanyldy.

Ýes Andersonnyń «Grand Býdapesht» oteli» fılmi Gollıvýd janynda akkredıttelgen sheteldik tilshiler qaýymdastyǵynyń syılyǵy - «Altyn globýsty» «Úzdik fılm - komedııa nemese mıýzıkl» atalymynda aldy.

Akter Djonatan Kımbl Sımmons Gollıvýd janynda akkredıttelgen sheteldik jýrnalıster qaýymdastyǵynyń «Altyn globýs» syılyǵyn ıelengen birinshi adam boldy. Ol «Sezim kerneýi» (Whiplash) dramalyq fılmindegi ekinshi plandaǵy úzdik akter bolyp tanyldy.

Serıaldaǵy ekinshi rettegi úzdik aktrısa bolyp Djoan Froggatt («Daýnton» abbattyǵy», Downton Abbey) tanyldy.

«Kóńildester» (The Affairs) serıaly «Úzdik televızııalyq drama» atalymyna laıyq dep tanyldy.

«Dramalyq serıaldyń úzdik akteri» bolyp Kevın Speısı ataldy («Kartadan qurastyrylǵan úı» (House of Cards) fılmi).

Televızııalyq shaǵyn serıal nemese fılmniń úzdik aktrısasy «Ibaly áıel» (The Honourable Women) serıalynda róldi somdaǵan Meggı Djıllenhol boldy.

Aktrısa Emı Adams «Komedııa nemese mıýzıkldaǵy úzdik aktrısa» atalymynda jeńiske jetti («Qaraqat kózder» (Big Eyes)). Maıkl Kıton syılyqty «Komedııa nemese mıýzıkldaǵy úzdik akter» atalymy boıynsha ıelendi.

Aıta keteıik, 72-shi «Altyn globýs» syılyǵyn tapsyrý rásimi Los-Andjelestegi «Beverlı Hılton» qonaqúıinde ótti.