Los-Andjeleste «Úıde jalǵyz» fılmindegi bálishten jasalǵan úı rekord ornatty

ASTANA. KAZINFORM — «Úıde jalǵyz» fılminiń 35 jyldyǵyna oraı Los-Andjeleste kınodaǵy Kevınniń úıi tolyq bálishten jasalyp, glazýrmen bezendirildi. Bul týraly BILD basylymy habarlady.

Úıdiń bıiktigi segiz metr, uzyndyǵy 18 metr. Bálishten jasalǵan bul úı Gınnestiń rekordtar kitabyna tarıhtaǵy eń úlken bálish úı retinde engizildi.

Disney+ kompanııasynyń vıtse-prezıdenti Zak Djeromniń aıtýynsha, fılm búkil álemdegi otbasylar úshin merekelik kóńil-kúıdiń ajyramas bóligi sanalady.

Úıdi salý úshin paıdalanylǵan materıaldar: 2,59 tonna un, 4200-den astam jumyrtqa, 4400 bálish kirpishteri, 800 shatyr taqtasy, 75 lıtrden astam jeýge bolatyn jelim jáne 9 kg kondıterlik mastıka.

Fılm jankúıerleri bálish úıge baryp, Prince St. Pizza kompanııasynyń «A Lovely Cheese Pizza» pıtstsasynan aýyz tıe alady.

Sondaı-aq jańa kıno aptalyǵynda kórermenderge birneshe premera usynylady.

Aıta keteıik, «Ańdar shahary 2» álemdik kınoprokatta jarty mıllıard dollar jınady.