Los-Andjeleste urylar Endı Ýorholdyń 9 kartınasyn aýystyryp ketken
ASTANA. QazAqparat - Los-Andjelestegi kınokompanııanyń keńsesinen Endı Ýorholdyń toǵyz kartınasy urlanyp, jasandy kartınalarǵa aýystyrylǵan, dep habarlaıdy VVS.
Ýorholdyń qoltańbasy bar urlanǵan jibek ústine salynǵan prıntter men bederlemeler «Jıyrmasynshy ǵasyr evreıleriniń on portreti» (1980) jáne «Joǵalýǵa jaqyn túrler» (1983) toptamalaryna jatqyzylǵan. Olardyń quny shamamen 350 myń dollardy quraıdy.
Urlyq birneshe jyl boıy baıqalmaǵan, sebebi Ýorholdyń jumystary jalǵan kartınalarǵa aýystyryldy. Qylmys jaıly týyndylardyń biriniń jaqtaýyn aýystyrýǵa jiberilgennen keıin ǵana belgili boldy. Mamandar onda sýretshi qoltańbasynyń joq ekenin anyqtady.
