Los-Andjeleste túngi tártipsizdikterden keıin jaǵdaı turaqtala bastady

ASTANA. KAZINFORM – Los-Andjelestegi jaǵdaı túngi tártipsizdikterden soń turaqtala bastady, málimdedi Los-Andjeles okrýgi keńesiniń tóraǵasy Hılda Solıs CNN telearnasyna bergen suhbatynda.

- Bul haos pen qıraýdyń aldyn alý úshin adamdardy qaladan ketýge shaqyrý nemese evakýatsııalaý kerek bolǵan tótenshe jaǵdaı edi. Qazir bul buıryq toqtatyldy, -dedi Solıs.

Onyń sózinshe, qalaǵa aparatyn negizgi magıstraldardyń kiretin jáne shyǵatyn jerleri jabyq, al adamdar shetien jumys oryndaryna orala bastady.

Okrýg keńesiniń basshysy narazylyq bildirýshilerdi sabyr saqtaýǵa shaqyrdy.

- Bizge báribir, biz bir-birimizdi de, qalany da aıamaımyz degen aıqaıǵa erýdiń keregi joq. Bizge bul qajet emes. Biz beıbitshilikti qalaımyz, - dedi Solıs.

Osyǵan deıin narazylyq bildirýshilerdiń qaqtyǵysynan keıin Tramp Los-Andjeleske Ulttyq gvardııany jibergeni týraly jazdyq.