Los-Andjeleste «Oskar» syılyǵynyń marapattaý saltanaty bastaldy
ASTANA. QazAqparat - Los-Andjeles qalasynda (Kalıfornııa, AQSh) kıno áleminiń «Oskar» syılyǵymen marapattaý rásimi bastaldy. Dolby teatrynda ótip jatqan saltanatty sharany ABC telearnasy tikeleı efırden kórsetýde, dep habarlaıdy QazAqparat.
Atalymdar boıynsha grek rejısseri Iorgos Lantımostyń «Favorıt qyz» (The Favourite) jáne meksıkalyq Alfonso Kýaronnyń «Roma» (Roma) fılmi kósh bastaǵan. Eki kartına da jalpy 10 atalym boıynsha «Oskarǵa» usynylǵan. Bredlı Kýperdiń «Juldyzdyń týýy» (A Star is Born) melodramasy jáne Adam Makkeıdiń «Bılik» (Vice) fılmi - segiz, Raıan Kýglerdiń «Qara panteri» (Black Panther) atty fantastıkalyq boevıgi - jeti atalym boıynsha «Oskar» alýǵa úmitker.
Amerıka kıno óneri akademııasy kıno ónerpazdaryn alǵash ret 1929 jylǵy 16 mamyrda Los-Andjelestegi Hollywood Roosevelt qonaqúıinde marapattaǵan, sol shara nebári 15 mınýtqa sozylǵan bolatyn. Onda 1927-1928 jyldary shyqqan fılmderdiń arasynan 12 sanat boıynsha úzdikter tańdaldy. Jeńimpazdardyń barlyǵy marapattaý rásiminen úsh aı buryn belgili boldy. 1941 jyldan beri jeńimpazdardyń attary tek marapattaý rásiminde belgili bolyp keledi.
