Los-Andjeleste «Oskar» syılyǵyn tapsyrý rásimi bastaldy
ASTANA. 27 aqpan. QazAqparat - Gollıvýdta 84-inshi ret amerıkalyq kınoakademııanyń «Oskar» syılyǵyn tapsyrý rásimi bastaldy, dep habarlady Bı-Bı-Sı agenttiginen.
Irandyq «Ajyrasý» fılmi «Eń úzdik shetel fılmi» atalymy boıynsha «Oskardy» ıelendi. Irannan shyqqan kartına úzdik sheteldik fılm retinde alǵash ret tanyldy.
39 jastaǵy amerıkandyq ártis Oktavııa Spenser, 60-jyldary amerıkalyq baı otbasylarda jumys isteıtin afroamerıkandyqtardyń ómiri týraly túsirilgen «Qyzmetshi» fılmindegi jumysy úshin «Ekinshi plandaǵy eń úzdik áıel róli» atalymy boıynsha «Oskarǵa» ıe boldy. Oktavııa Spenser «Oskar» syılyǵyna alǵash ret usynyldy.
Dástúr boıynsha Los-Andjelestiń «Kodak» teatrynda ótip jatqan «Oskar» syılyǵynyń 84-inshi rásimin kúldirgi ártis Bıllı Krıstal júrgizýde.
Synshylardyń pikirinshe, rejısser Mıshel Hazanavıchýstiń frantsýzdyq tússiz ári dybyssyz «Ártis» kınosy «Eń úzdik fılm» atalymynyń jeńimpazy. Aıta keteıik, atalmysh kartına birneshe kún buryn «Sezardyń» 6 syılyǵyn alǵan bolatyn.
10 sanat boıynsha «Oskarǵa» úmitker «Ártis» fılminiń basty qarsylasy - syılyqqa 10 sanat boıynsha usynylǵan - Martın Skorsezeniń «Ýaqyt saqtaýshysy» fılmi bolyp otyr.
«Ártis» fılmi alǵashqy «Oskaryn» «Eń úzdik kostıým dızaıny» atalymy boıynsha aldy.
Sondaı-aq «Oskar» syılyǵy úzdik grım úshin «Temir ledı» kartınasyna berildi.
2011 jyldyń «Eń úzdik fılmi» atalymy boıynsha «Oskar» syılyǵyna úmitker 9 týyndynyń arasynda «Ýaqyt saqtaýshysy» men «Ártis» fılmderinen ózge - «Urpaqtar», «Óte qatty jáne múldem jaqyn daýys», «Qyzmetshi», «Parıjdegi tún», «Bárin ózgertken adam», «Ómir aǵashy», «Áskerı at» fılmderi bar.
