Los-Andjeleste qytaı jańa jylyn merekeleý kezinde atys bolyp, adamdar kóz jumdy

ASTANA. QazAqparat – Los-Andjeleste qytaı jańa jylyn merekeleý kezinde atys bolyp, birneshe adam kóz jumdy. Bul týraly QazAqparat euronews-ke silteme jasap habarlaıdy.

Atys Los-Andjeles ortalyǵynan shyǵysqa qaraı 10 mıl (16 km) jerde ornalasqan Montereı-Park qalasynda bolǵan. Munda shamamen 60 myń adam turady, onyń biraz bóligi – azıattyq qaýymdastyq.

Qalada aı kúntizbesi boıynsha jańa jyldy qarsy alýǵa myńdaǵan adam jınalǵan. Polıtsııanyń málimetine sáıkes, merekeden keıin atys bolyp, 9 adam kóz jumǵan.

Los-Andjeles okrýgi sherıfiniń departamenti kúdikti retinde er adam izdestirilip jatqanyn málimdedi.

«Ol oqıǵa ornynan qashyp ketken jáne izdeýde», - deıdi kapıtan Endrıý Meıer.