Los-Andjeleste komendanttyq saǵat engiziledi

ASTANA. KAZINFORM — Los-Andjeles qalasynyń meri Karen Bass AQSh-taǵy ekinshi iri qala — Los-Andjeles ortalyǵynda komendanttyq saǵat engiziletinin málimdedi, dep jazady Sınhýa.

Shekteý jergilikti ýaqyt boıynsha saǵat 20:00–den (Grınvıch boıynsha sársenbi 03:00) bastap saǵat 06:00–ge deıin (Grınvıch boıynsha 13:00) kúshinde bolady.

Komendanttyq saǵat shamamen 1 sharshy mıl aýmaqty qamtıdy.

Karen Bass atap ótkendeı, bul sheshim dúısenbi keshke ótken beıbit narazylyq sharasynan keıin bastalǵan tonaý men vandalızm áreketterine baılanysty qabyldandy.

Los-Andjeles polıtsııa departamentiniń málimetinshe, komendanttyq saǵat atalǵan aýdanda turatyndarǵa, úısizderge, buqaralyq aqparat quraldary ókilderine jáne qoǵamdyq qaýipsizdik pen tótenshe jaǵdaı qyzmetkerlerine taralmaıdy.

Karen Bass bul sheshimdi AQSh-tyń Kóshi-qon jáne keden qyzmeti (ICE) júrgizip jatqan reıdterge qarsy narazylyq sharalary besinshi kúnge jalǵasyp jatqan jaǵdaıda qabyldady.

Jergilikti BAQ-tyń habarlaýynsha, demonstranttar 101-avtomagıstraldy jaýyp, eki baǵytta da qozǵalysty toqtatqan. Bul oqıǵa komendanttyq saǵat engizý týraly buıryq shyǵardyń aldynda bolǵan.

Osyǵan deıin narazylyq bildirýshilerdiń qaqtyǵysynan keıin Tramp Los-Andjeleske Ulttyq gvardııany jibergeni anyqtaldy.

Alpaýyt Amerıka birneshe kúnnen beri bulqynyp tur. Tramp bıliginiń ımmıgratsııalyq saıasatyna qarsy narazylyqtar údedi. Osyny eskerip, Kazinform agenttiginiń analıtıkalyq sholýshysy muhıttyń arǵy betindegi jaǵdaıdy sarapshylarmen birge taldap kórdi.